«ПСЖ» ҳимоячиси Маркиньос жамоанинг янги мавсумдаги омадсиз старти ҳақида фикр билдирди.
«Биз мавсум бошида қийинчиликларга дуч келган, аммо кейинчалик формасига кириб, совринларни қўлга киритган жамоаларни кўрганмиз. Биз ўз кучли томонларимиздан фойдаланишимиз ва барқарор бўлишимиз керак. Биз ҳар доим барча совринларни қўлга киритишни истаймиз. Биринчи мақсадимиз — Чемпионлар лигаси умумий босқичида имкон қадар юқори ўринни эгаллаш», — дея Маркиньоснинг сўзларини парижликлар матбуот хизмати келтирмоқда.
Франция чемпионатининг дастлабки учта ўйинида «ПСЖ» бирорта ҳам ғалаба қозона олмади ва атиги икки очко жамғарди. Шуни ҳам таъкидлаш керакки, Лига 1 бошланишидан олдин Луис Энрике шогирдлари мамлакат Суперкубоги учун баҳсда «Ланс»га мағлуб бўлган.
