Айни кунларда Ўзбекистон аёллар миллий терма жамоаси Миллий футбол марказида XX Осиё ўйинлари олдидан сўнгги тайёргарлик йиғинларини ўтказмоқда. Кеча ЎФА раҳбарияти терма жамоамиз аъзолари билан учрашди.
Суҳбат давомида жамоа олдида турган муҳим мусобақа ҳақида фикр билдирилиб, сўнгги йилларда Ўзбекистонда аёллар футболини ривожлантириш йўлида амалга оширилаётган ишлар, терма жамоаларимизнинг халқаро майдондаги иштироки ҳамда Осиё ўйинларининг футболчилар учун муҳим тажриба майдони экани таъкидланди.
Маълумот учун, вакилларимиз мусобақанинг «G» гуруҳидан ўрин олган бўлиб, Филиппин, Хитой ҳамда Гонконг терма жамоаларига қарши беллашувларда майдонга тушади. Жамоамиз турнирдаги иштирокини 14 сентябрь куни Филиппинга қарши баҳс билан бошлайди.
