Ayni kunlarda O‘zbekiston ayollar milliy terma jamoasi Milliy futbol markazida XX Osiyo o‘yinlari oldidan so‘nggi tayyorgarlik yig‘inlarini o‘tkazmoqda. Kecha O‘FA rahbariyati terma jamoamiz a’zolari bilan uchrashdi.
Suhbat davomida jamoa oldida turgan muhim musobaqa haqida fikr bildirilib, so‘nggi yillarda O‘zbekistonda ayollar futbolini rivojlantirish yo‘lida amalga oshirilayotgan ishlar, terma jamoalarimizning xalqaro maydondagi ishtiroki hamda Osiyo o‘yinlarining futbolchilar uchun muhim tajriba maydoni ekani ta’kidlandi.
Ma’lumot uchun, vakillarimiz musobaqaning «G» guruhidan o‘rin olgan bo‘lib, Filippin, Xitoy hamda Gonkong terma jamoalariga qarshi bellashuvlarda maydonga tushadi. Jamoamiz turnirdagi ishtirokini 14 sentyabr kuni Filippinga qarshi bahs bilan boshlaydi.
