«Буде-Глимт» бош мураббийи Кьетил Кнутсен Чемпионлар лигасида «Бавария»га қарши ўйин олдидан матбуот анжуманида фикр билдирди. Умумий босқичнинг 1-тур учрашуви 10 сентябрь куни Мюнхенда бўлиб ўтади.

«Биз, менимча, айни пайтда дунёдаги энг яхши жамоа бўлиши мумкин бўлган рақибга қарши ўйнаймиз. Шу сабабли жуда қийин бўлади, аммо шахсан мен бу учрашувни интиқлик билан кутяпман.

Футболчиларим ҳам худди шундай фикрда бўлишига умид қиламан: улар бу баҳсда имкониятни кўришлари ва бундай ўйинларда иштирок этиш қанчалик катта имтиёз эканини тушунишлари керак», — деди Кнутсен.

«Биз «Бавария»нинг ўйинларини кўриб чиқдик ва бу менга кўпроқ ишонч бермади. Аммо шу билан бирга, жуда катта илҳомлантирди. Чунки уларда жамоа учун ишлайдиган ва жуда кўп меҳнат қиладиган жаҳон даражасидаги футболчилар бор», — қўшимча қилди мураббий.

Ўтган мавсумда «Буде-Глимт» Чемпионлар лигасининг 1/8 финалигача етиб борган ва йўл-йўлакай «Интер»ни мусобақадан чиқарган эди. «Бавария» эса ярим финалгача етиб борган.