«ПСЖ» Чемпионлар лигасида «Слован»ни 6:1 ҳисобида йирик мағлубиятга учратди. Учрашув қаҳрамонларидан бири Усман Дембеле бўлди. У дубль қайд этиб, яна икки голли узатма амалга оширди. Ўйиндан сўнг «ПСЖ» бош мураббийи Луис Энрике француз футболчиси ҳақида фикр билдирди.
«Биз яхши ишладик, ажойиб ўйнадик. Бугун, менимча, мени энг кўп Дембеленинг ўйини ҳайратга солди. Қандай жадаллик! Тўп билан ҳам, тўпсиз ҳам. Қачонки менда шундай Усман бўлса, бу ҳақиқий завқ. Уни ҳар куни шундай интилиш билан кўриш имкониятидан мамнунман», — деди Энрике Canal+ нашрига.
«ПСЖ» кейинги ўйинини 13 сентябрь куни Франция чемпионатида сафарда «Брест»га қарши ўтказади.
