Мадриднинг «Атлетико» клуби футболчиси Маркос Льоренте Чемпионлар лигасида яна «Ливерпуль» дарвозасини ишғол қилди, аммо унинг голи жамоасига очко олиб келишга ёрдам бермади.

Испаниялик футболчи 17-дақиқадаёқ ҳисобни очди. «Ливерпуль» 40-дақиқада Доминик Собослаи голи билан ҳисобни тенглаштирди. 50-дақиқада эса Алексис Мак Аллистер мезбонларга ғалаба келтирган голни урди.

Льорентенинг Чемпионлар лигаси доирасида «Энфилд»да урган голлари сони 5 тага етди. У бу кўрсаткич бўйича Карим Бенземани ортда қолдириб, рекорд ўрнатди.

«Энфилд»да яна гол урганимдан жуда хурсандман, бунга ишониш қийин. Аммо ёш ўтиши билан, жамоа ғалаба қозонмаса, шахсий голларнинг аҳамияти камаяди», — деди 31 ёшли футболчи.

Льоренте учун бу март ойидан бери урилган биринчи гол бўлди. Ўшанда у «Тоттенхэм» дарвозасини ишғол қилган эди.