«Барселона» ҳужумчиси Рафинья Диас Чемпионлар лигаси умумий босқичининг 1-турида «Фейеноорд»га қарши ўйинда (5:1) дубль қайд этди.
Бразилиялик футболчи чоршанба куни бўлиб ўтган учрашувнинг 3 ва 57-дақиқаларида гол урди. Шу тариқа Рафинья «Барселона» сафида Чемпионлар лигасида урган голлари сони бўйича ватандоши Неймарга тенглашди — ҳар икки футболчининг ҳисобида 21 тадан гол бор.
Бироқ Рафинья бу натижага Неймардан олти ўйин кам ўтказиб эришди: Рафиньяга 34 та учрашув кифоя қилган бўлса, Неймар бу кўрсаткичга 40 та ўйинда эришган.
Рафинья 2022 йил ёзида «Лидс»дан «Барселона»га ўтган. Неймар эса 2013 йилдан 2017 йилгача Каталония клуби шарафини ҳимоя қилган.
