«Фейеноорд» бош мураббийи Жованни ван Бронкхорст «Барселона» вингери Ламин Ямални яна бир бор мақтади. Чоршанба куни роттердамликлар Чемпионлар лигасида «Камп Ноу»да 1:5 ҳисобида мағлуб бўлди. Ямаль жаримадан гол урди ва шерикларига иккита голли узатма берди.
«Ямал? У бундай ёшдаёқ жуда кўп нарсага эришди. Мухлислар уни жуда яхши кўришади ва у «Олтин тўп»ни ютиши мумкин. Мен унинг ўйинида Месси ва Роналдиньони кўраман», — деди ван Бронкхорст ўйиндан кейинги матбуот анжуманида.
Жованни ван Бронкхорст 2003–2007 йилларда футболчи сифатида «Барселона»да тўп сурган ва каталонияликлар сафида 154 та ўйин ўтказган. У Лионель Месси ва Роналдиньо билан бирга ўйнаган.
