Аргентиналик ҳужумчи Анхель ди Мария фаолиятини якунлаш ниятида эмас, гарчи айримлар уни анча вақтдан бери футболдан кетиши керак деб ҳисоблаётган бўлса-да.
«Аллақачон мени ҳисобдан чиқариб қўйишга тайёр бўлган одамлар бор. Улар адашяпти, чунки мен футбол ўйнашдан катта завқ оляпман. Мен осонликча таслим бўладиганлардан эмасман: ҳа, биз Либертадорес кубогидан чиқиб кетдик, аммо ҳали курашишимиз керак бўлган мусобақалар бор. Қолаверса, ҳамма нега бунчалик хавотирланаётганини тушунмайман — биз ҳақиқатан ҳам ўсишга эришяпмиз ва ўйлайманки, ҳар қандай турнирда рақобатбардош бўламиз», — деди ди Мария.
Эслатиб ўтамиз, Анхель ди Мария ўз ватанида «Росарио Сентраль» сафида тўп тепмоқда.
