Германиянинг «Штутгарт» клуби Чемпионлар лигасидаги дастлабки учрашувини муваффақиятли ўтказиб, Норвегиянинг «Викинг» жамоасини 3:1 ҳисобида мағлуб этди. Немис клубининг учала голига ҳам босниялик футболчи Эрмедин Демирович муаллифлик қилди.

Демирович хет-трик қайд этиш учун атиги 12 дақиқа соф ўйин вақтига муҳтож бўлди. Шу тариқа босниялик футболчи «Штутгарт» тарихида Чемпионлар лигаси ёки унинг аввалги номи бўлган Чемпионлар кубоги баҳсида хет-трик қайд этган биринчи футболчига айланди.

Эслатиб ўтамиз, Демирович 2024 йилдан буён «Штутгарт» шарафини ҳимоя қилиб келмоқда.