«Ювентус» ярим ҳимоячиси Мануэль Локателли узоқ муддатга сафдан чиқиши мумкин.

Италия чемпионатида «Милан»га қарши сўнгги учрашувда олган жароҳати жиддий бўлиб чиқди. Текширувлар футболчининг мениски жиддий шикастланганини кўрсатди. La Gazzetta dello Sport маълумотига кўра, ярим ҳимоячининг тикланиш муддати бўйича энг ёмон тахминлар тасдиқланган — унга албатта жарроҳлик амалиёти ўтказилиши керак. Реабилитация жараёни тахминан олти ой давом этиши мумкин.

Аввалроқ Мануэль Локателли қарийб уч ой футболдан четда қолиши тахмин қилинган эди. 28 ёшли футболчи жорий мавсумда учта учрашувда бир бор голли узатмани амалга оширган.