«Манчестер Юнайтед» ҳимоячиси Лисандро Мартинес клубда яна бир неча йил қолиши мумкин.
Football Insider хабарига кўра, манкунианликлар раҳбарияти аргентиналик футболчининг амалдаги шартномасини яна бир йилга узайтириш имкониятидан фойдаланишни режалаштирмоқда. Унинг ҳозирги келишуви жорий мавсум якунида тугайди.
Манбага кўра, агар Мартинес яхши формада қолса ва юқори савияда ўйнашда давом этса, «Манчестер Юнайтед» унга янги шартнома ҳам таклиф қилиши мумкин.
28 ёшли ҳимоячи жорий мавсум Англия Премьер-лигасида 2 та учрашувда майдонга тушди ва натижадор ҳаракат қайд этмади.
