«Зенит»нинг собиқ футболчиси Мигель Данни «ПСЖ» вингери Хвича Кварацхелиянинг 2026 йилги «Олтин тўп»ни қўлга киритиш имкониятларини баҳолади.
«Хвича ажойиб мавсум ўтказди. Унда «Олтин тўп»ни ютиш учун яхши имконият бор.
Унинг энг кучли жиҳати? Бирга-бир вазиятларда рақибни алдаб ўтиш маҳорати. Унинг дриблинги ақл бовар қилмас даражада», — дея португалиялик собиқ футболчининг сўзларини «Советский Спорт» келтиради.
Кварацхелия 2025/26 мавсуми Чемпионлар лигасининг энг яхши футболчиси деб топилган эди.
«Олтин тўп»ни топшириш маросими 26 октябрь куни Лондонда бўлиб ўтади. Совриннинг амалдаги соҳиби — «ПСЖ» ҳужумчиси Усман Дембеле.
