"Тоттенхэм" қанот ҳужумчиси Михаил Мудрик машғулот пайтида тўпиғидан жароҳат олди. Дастлабки маълумотларга кўра, украиналик футболчи 6–8 ҳафта майдонга туша олмаслиги мумкин.
25 ёшли вингер айни пайтда ҳимояловчи махсус этикда юргани хабар қилинмоқда. BBC маълумотига кўра, жароҳат душанба куниги машғулотда юз берган ва Мудрик бир неча ҳафта сафдан ташқарида қолади.
Мудрик ёзги трансфер ойнасининг сўнгги кунида "Челси"дан "Тоттенхэм"га бир мавсумлик ижара асосида ўтган эди. У янги жамоасидаги дебютини АПЛнинг "Ноттингем Форест"га қарши учрашувида ўтказиб, 74-дақиқада захирадан майдонга тушган. Баҳс 0:0 ҳисобида якунланган.
Шу тариқа, узоқ танаффусдан сўнг катта футболга қайтган Мудрик яна маълум муддат ўйинлардан четда қолади.
