«Рома» марказий ярим ҳимоячиси Ману Коне «Челси»га ўтиши мумкин.

Журналист Саймон Филлипс маълумотига кўра, лондонликлар қишки трансферлар ойнасида 25 ёшли футболчига бўлган қизиқишини қайта тиклаши мумкин.

Манба таъкидлашича, «Челси» трансфер доирасида «Рома»га ўз вингери Жейми Байно-Гиттенсни таклиф қилиши эҳтимол қилинмоқда.

Лондон клуби ўтган ёзда Конени сотиб олишга уринган, аммо трансферни амалга ошира олмаган эди. Энди «Челси» январь ойида яна бир бор ҳаракат қилиб кўришни режалаштирмоқда.

Жорий мавсумда Коне Италия чемпионатида 3 та учрашувда майдонга тушди ва натижадор ҳаракат қайд этмади. Transfermarkt унинг трансфер қийматини 50 млн еврога баҳоламоқда.