«Барселона» спорт директори Деку Педри ва Рафинья Диаснинг 2026 йилги «Олтин тўп» номзодлари рўйхатига киритилмаганига муносабат билдирди.

«Мен учун уларнинг рўйхатда йўқлиги — жаҳон миқёсидаги адолатсизлик. Афсуски, бундай ҳолатлар бўлиб туради. Педри каби истеъдодли футболчи қандай қилиб рўйхатга кирмаганини тушунмайман», — деди Деку El Món a RAC1 дастурида.

Ўтган мавсумда Рафинья барча мусобақалар доирасида 33 та ўйинда 21 та гол урди ва 8 та голли узатма амалга оширди.

Педри эса 43 та учрашувда майдонга тушиб, 2 та гол ва 12 та ассист қайд этди.

«Барселона» Испания чемпионатининг дастлабки 4 туридан сўнг 12 очко билан турнир жадвалида пешқадамлик қилмоқда.