«Манчестер Юнайтед» вингери Бриан Мбеумо Чемпионлар лигасида иштирок этиш имконияти у учун нимани англатиши ҳақида гапирди.

«Мен учун бу жуда катта қадам. Франция Лига 2сидан шундай улкан клубгача етиб келиш ва энди Чемпионлар лигасида ўйнаш — мен учун жуда катта мукофот. Буни сабрсизлик билан кутяпман».

— Ўтган ёзда сени дарҳол Чемпионлар лигасида ўйнаш имконини берадиган бошқа клубларга ўтишинг мумкин эди. Аммо сен «Манчестер Юнайтед» билан бу мақсадга эриша олишингга ишониб, шу ерга келишга қарор қилдинг...

«Ҳа. Мен жамоа ва футболчилар ҳақида тасаввурга эга эдим ва бу ерда йигитлар билан яхши муносабат ўрната олишимни билардим. Бундан ташқари, Манчестерга келишимдан олдин ҳам айрим футболчилардан хабарлар олгандим. Биз биргаликда яхши натижаларга эриша олишимизга чиндан ҳам ишонардим.

Бу Чемпионлар лигаси қуръасини биринчи марта кузатишим эди. Албатта, ҳар бир ўйинни катта қизиқиш билан кутяпман. Ҳар бир мамлакат, ҳар бир рақиб ўзига хос. Янги жойларга бориб, ҳаммасини ўз кўзинг билан кўриш доимо ёқимли», — деди Мбемо.

Мусобақанинг биринчи турида «қизил иблислар» Озарбайжоннинг «Сабаҳ» клубига қарши майдонга тушади. Учрашув бугун, 10 сентябрь куни соат 23:59 да бошланади.