"Барселона"дан "Ливерпуль"га ижара асосида ўтган уругвайлик ҳимоячи Рональд Араухо Англия клубидаги вазиятидан мамнун.
Инсайдер Экрем Конурнинг ижтимоий тармоқларда хабар беришича, футболчининг янги жамоага мослашув жараёни жуда яхши кечмоқда. Араухо "Ливерпуль"га доимий асосда ўтишга ҳам қарши эмас.
Жорий мавсумда у Англия Премьер-лигасида учта ўйинда майдонга тушди ва битта сариқ карточка олди.
27 ёшли ҳимоячининг "қизиллар" билан ижара шартномаси келаси йил июнь ойи охиригача амал қилади.
Уругвайлик футболчининг трансфер қиймати 20 миллион еврога баҳоланмоқда.
