"Арсенал" ярим ҳимоячиси Мартин Субимендининг Лондон клубидаги келажаги ноаниқ бўлиб қолмоқда.

Transfer News Live нашри TEAMtalk маълумотига таяниб хабар беришича, испаниялик футболчи асосий таркибдаги ўрнини қайтариб ололмаса, қишки трансфер ойнасида клубни тарк этиш вариантини кўриб чиқиши мумкин.

Жорий мавсумда 27 ёшли Субименди Микель Артета жамоасининг барча бешта учрашувида захирадан майдонга тушган.

Футболчига "Челси" ва Мадриднинг "Реал" клублари ҳамон қизиқиш билдирмоқда.

Transfermarkt портали Субимендининг бозор қийматини 75 миллион еврога баҳоламоқда. Унинг "Арсенал" билан амалдаги шартномаси 2030 йил ўрталаригача мўлжалланган.