Италиянинг «Наполи» клуби яна мағлубиятга учради. Бу сафар жамоа Чемпионлар лигасидаги дастлабки ўйинида Лондоннинг «Арсенал» клубига минимал ҳисобда имкониятни бой берди.
Бу неаполликларнинг жорий мавсумдаги тўртта расмий учрашувдаги учинчи мағлубияти бўлди. Жамоа мамлакат чемпионатида учта ва Чемпионлар лигасида битта ўйин ўтказди.
«Наполи» мавсумнинг дастлабки тўртта учрашувидан учтасида сўнгги бор 2000 йилда мағлуб бўлган эди. Ўша мавсум якунида клуб турнир жадвалида сўнгги ўриндан битта юқори поғонада финиш қилиб, B Серияга тушиб кетган. Чемпионликни эса «Рома» қўлга киритган эди.
«Наполи» кейинги учрашувини «Болонья»га қарши ўтказади.
