Лондоннинг «Челси» ва Туриннинг «Ювентус» клубларида ўйнаган собиқ футболчи Хуан Куадрадо фаолиятини ўз ватанида давом эттиради. 38 ёшли ярим ҳимоячи «Мильонариос» сафига қўшилди. Бу ҳақда клуб матбуот хизмати хабар берди.

Ярим ҳимоячи жамоага эркин агент сифатида қўшилди. Куадрадонинг сўнгги клуби Италиянинг «Пиза» жамоаси бўлган. Колумбиялик футболчи ушбу клуб сафида 21 та учрашувда майдонга тушиб, 1 та гол урган.

Европада ярим ҳимоячи шунингдек «Фиорентина», «Лечче», «Интер», «Аталанта» ва «Удинезе» клубларида ҳам тўп тепган.

Колумбия терма жамоаси сафида Хуан Куадрадо 116 та учрашувда иштирок этиб, 11 та гол урган.