Мюнхеннинг «Бавария» клуби Чемпионлар лигаси умумий босқичининг янги мавсумини ўз майдонида Норвегиянинг «Будё-Глимт» жамоасини 5:0 ҳисобида мағлуб этиб, муваффақиятли бошлади.
Мюнхенликлар дарвозабони Мануэль Нойер учрашувни тўлиқ ўтказди ва Чемпионлар лигаси тарихида майдонга тушган энг ёши катта немис футболчисига айланди. Бу ҳақда Bayern & Germany хабар берди.
Учрашув вақтида Нойернинг ёши 40 ёш 167 кунни ташкил қилди. Шу тариқа у ватандоши Йенс Леманнинг рекордини янгилади. Леманн Чемпионлар лигасида 40 ёш 127 кунлигида майдонга тушган эди.
