«Барселона» бош мураббийи Ханс-Дитер Флик жамоа ҳимоячиларидан бирига ишонч билдирмаяпти. Goal испанларнинг Sport нашрига таяниб хабар беришича, Алехандро Бальде Фликнинг режаларига киритилмаган.
Манбага кўра, чап қанот ҳимоячиси позициясида Флик Жерар Мартин ва Жоау Канселуга таянади.
Ёзги трансфер ойнасининг сўнгги кунларида 22 ёшли Бальдега «Манчестер Юнайтед» қизиқиш билдирган, аммо трансфер амалга ошмаган.
2026/27 мавсумда Алехандро Бальде ҳозирча майдонга тушмади. Ҳимоячи 4 та ҳолатда захирада тўлиқ 90 дақиқа қолди, яна бир учрашувда эса қайдномага киритилмади.
Transfermarkt портали Бальденинг қийматини 50 миллион евро деб баҳоламоқда.
