«Рома» дарвозабони Миле Свилар Чемпионлар лигаси умумий босқичининг биринчи турида «Фенербахче»га қарши ўйинда қайд этилган дурангни баҳолади. Истанбулдаги учрашув 1:1 ҳисобида якунланди.

Брайан Кристанте биринчи бўлимда римликларни олдинга олиб чиқди, аммо иккинчи бўлим бошланганидан кўп ўтмай Арчи Браун ҳисобни тенглаштирди. Свилар учрашув якунида мезбонлар босимни кучайтирган пайтда бир нечта муҳим сейвларни амалга ошириб, «Рома»нинг энг яхши футболчиларидан бири бўлди.

«Мурику билан бирга-бир вазият энг қийини бўлди. Улар гол урган вазиятда ҳам худди шундай ҳаракат қилишга уриндим, аммо афсуски, юқорироқ позицияда қолишга улгурмадим. Аммо ҳаммаси жойида, биз дурангдан мамнунмиз ва олдинга ҳаракат қиламиз.

Ҳар доим ҳар икки жамоа ҳам гол уриши мумкин деган ҳис бўлди. Бу ҳақиқий Чемпионлар лигаси ўйинлари. Биз бу баҳсда яхшироқ ўйнадик, аммо дуранг ҳам бизни қаноатлантиради. Агар А Сериядаги дастлабки ўйинлардаги каби ўзимизни кўрсатишда давом этсак, очколар жамғаришимиз мумкин», — қўшимча қилди футболчи.

14 октябрь куни «Рома» мусобақанинг иккинчи турида Мадриднинг «Реал» клубини қабул қилади.