Камерун футбол федерацияси президенти Самюэль Это’О ФИФА президенти Жанни Инфантино атрофидаги сўнгги танқидларга муносабат билдириб, унинг қайта сайланишини қўллаб-қувватлашини маълум қилди.
«Агар Камерун футбол федерацияси президенти лавозимида қолсам, Жанни Инфантино учун овоз бераман. Чунки у Африка футболи учун жуда кўп иш қилди. Менимча, айнан у Африкага энг кўп яхшилик олиб келган инсон», — дея Это’Онинг сўзларини France24 келтирди.
2026 йил ёзида Инфантино FIFA Forward Enterprise номли тижорий тузилма ташкил этиш ва жаҳон чемпионатларининг тижорий ҳуқуқларини бошқарадиган акцияларнинг 20 фоизгача бўлган қисмини хусусий инвесторларга сотишни таклиф қилган эди.
Ушбу ташаббусни, жумладан, УЕФА, КОНКАКАФ, ОФК ва КОНМЕБОЛ қўллаб-қувватламади. Кескин танқидлардан сўнг Инфантино лойиҳадан воз кечди.
