«Реал» бош мураббийи Жозе Моуринью дарвозабон Тибо Куртуанинг Бельгия терма жамоасидаги фаолиятини вақтинча тўхтатиш қарорига муносабат билдирди.
«У клуб уни шу ерда қолишини истаётганини билади. Дарвозабон учун у ҳали ёш. Куртуа Миллатлар лигасида терма жамоа сафида ўйнамасликка қарор қилди, шунинг учун унда дам олиш ва бутун эътиборини «Реал»га қаратиш учун вақт бўлади», — деди португалиялик мутахассис матбуот анжуманида.
Аввалроқ 34 ёшли Куртуа Миллатлар лигасининг бутун мавсумини ўтказиб юборишини маълум қилган эди. Бироқ у Бельгия терма жамоасидаги фаолиятини якунлаш ниятида эмас.
Дарвозабон Евро-2028 саралаш босқичи олдидан миллий жамоага қайтишни режалаштирмоқда.
