Сербиялик ярим ҳимоячи Александар Станкович фаолиятини Англия Премьер-лигасида давом эттириши мумкин эди. Бу ҳақда журналист Экрем Конур ижтимоий тармоқларда хабар берди.

Манбага кўра, 21 ёшли футболчини ўз сафига қўшиб олишга АПЛнинг бир қатор клублари қизиқиш билдирган. Улар орасида «Ливерпуль», «Манчестер Юнайтед» ва «Тоттенхэм» бор.

Бироқ Станкович Бельгиянинг «Брюгге» клубидан Миланнинг «Интер» жамоасига кўчиб ўтди. Трансфер қиймати 23 миллион еврони ташкил қилди.

Сербиялик футболчи «нерадзурри» билан 2031 йил июнь ойи охиригача мўлжалланган узоқ муддатли шартнома имзолади.

Жорий мавсумда Станкович Италия чемпионатида битта ўйинда майдонга тушди.