«Монако» ярим ҳимоячиси Ламин Камара ёзги трансфер ойнасининг сўнгги кунида «Челси»га амалга ошмай қолган ўтиши ҳақида фикр билдирди.
«Кетишни истайманми? Ҳозир бу ҳақда гапириш вақти эмас. Клубни тарк этишим мумкин эди, аммо сўнгги дақиқада бу амалга ошмади. Бу футболнинг бир қисми.
Мен бу саҳифани тезда ёпдим ва ҳозир бутун эътиборимни «Монако» билан мавсумга қаратганман. Бу мавзу ҳақида мавсум якунланганидан кейин гаплашамиз», — деди Камара матбуот анжуманида.
Жорий мавсумда 22 ёшли сенегаллик футболчи барча мусобақалар ҳисобида 5 та ўйинда майдонга тушиб, 1 та гол урди.
Камаранинг «Монако» билан амалдаги шартномаси 2029 йил июнь ойигача мўлжалланган.
