«ПСЖ» ҳужумчиси Усман Дембеле жамоадоши, грузиялик вингер Хвича Кварацхелия ҳақида фикр билдирди.

«У ажойиб футболчи, дунёдаги энг яхши қанот ҳужумчиларидан ва энг кучли футболчилардан бири. Ўтган мавсумда у жуда яхши ўйнади ва жамоа учун жуда муҳим футболчи ҳисобланади. Унинг лақаблари кўп, биз уни бу ерда “Энг яхши” ёки “Кварадона” деб атаймиз», — деди Дембеле The Athletic нашрига.

Ўтган мавсумда Кварацхелия 48 та учрашувда 19 та гол урди ва 11 та голли узатма амалга оширди. Жорий мавсумда эса вингер 5 та ўйинда 1 та гол ва 1 та голли узатма қайд этган. Transfermarkt маълумотига кўра, футболчининг бозор қиймати 140 миллион еврони ташкил этади.