"Милан"нинг янги футболчиси Диегу Морейра А Серия 4-турида "Лацио"га қарши учрашувда захирадан майдонга тушиб, икки дақиқага етмас вақт ичида дубл қайд этди.
22 ёшли Бельгия терма жамоаси футболчиси танаффусдан кейин, "Милан" 0:2 ҳисобида ортда бораётган пайтда майдонга тушди.
65-дақиқада Морейра Кристиан Пулишичнинг узатмасидан сўнг узоқ устун олдида тўпни бир тегинишда дарвозага йўллаб, ҳисобни қисқартирди. Орадан икки дақиқа ўтмай, 67-дақиқада у Адриен Рабьонинг пасидан кейин жарима майдони чизиғидан узоқ бурчакни аниқ нишонга олиб, ҳисобни тенглаштирди.
"Милан" 19 август куни Морейрани "Страсбур"дан 50 миллион евро ва яна 16 миллион евро бонуслар эвазига сотиб олган эди.
Диегу "россонери" сафидаги дебютини "Ювентус"га қарши 1:1 ҳисобида якунланган учрашувда ўтказган ва 61 дақиқа майдонда ҳаракат қилган.
