"Тоттенхэм"нинг икки нафар мухлисаси кўтариб турган баннер ижтимоий тармоқларда катта қизиқиш уйғотди.

Трансляция кадрларида икки қиз футболчилардан жуда оддий илтимос қилгани акс этган. Улар ғалаба, соврин ёки футболка сўрамаган — фақат жамоадан гол кутишган.

"Илтимос, гол уринг!" — деб ёзилган баннерда.

Бу баннернинг кулгили, айримлар учун эса аламли жиҳати шундаки, "Тоттенхэм" Англия Премьер-лигасининг дастлабки 4 турида бирорта ҳам гол ура олмади.

Шанба куни Роберто Де Дзерби шогирдлари ўз майдонида "Эвертон" билан 0:0 ҳисобида дуранг ўйнади ва мухлисаларнинг илтимосини бажара олмади.

Айни пайтда "Тоттенхэм" 2 очко билан АПЛ турнир жадвалида 17-ўринни эгаллаб турибди. Жамоанинг тўплар нисбати — 0:5.