«Тоттенхэм» Англия Премьер-лигасида «Эвертон»га қарши уй учрашувини 0:0 ҳисобида якунлаб, мухлисларини яна ранжитди.
Финал ҳуштаги янграганидан сўнг «шпорлар» бош мураббийи Роберто Де Дзерби майдонга чиқиб, ҳужумчи Матис Телга эътироз билдирди.
Видеолавҳадан кўринишича, италиялик мутахассис футболчининг майдондаги позиция танлаши ва ҳаракатланиши борасида ундан норози бўлган.
Тел ушбу учрашувда 63-дақиқада захирадан майдонга тушди, аммо қолган вақт ичида гол ура олмади.
Айни пайтда «Тоттенхэм» Англия чемпионати турнир жадвалида 17-ўринни эгаллаб турибди. Жамоа дастлабки 4 турда ҳали бирорта ҳам гол урмаган.
Роберто Де Дзерби шогирдлари 4 та ўйинда 2 очко тўплади. Бу очколар икки мартаги 0:0 ҳисобидаги дуранг эвазига қўлга киритилган.
