«Арсенал» 2026/27 йилги мавсум бошидаги ғалабали сериясини 6 та ўйинга етказди.
Микель Артета бошчилигидаги лондонликлар Англия Премьер-лигаси 4-турида сафарда «Сандерленд»ни 2:0 ҳисобида мағлуб этди.
«Арсенал» бунга қадар ҳам жорий мавсумдаги барча учрашувларида ғалаба қозонган. «Канонирлар» Премьер-лига, Чемпионлар лигаси ва Англия Суперкубоги доирасидаги ўйинларни ғалаба билан якунлади.
Шу тариқа, Артета жамоаси мавсум бошидан буён ўтказган 6 та расмий учрашувнинг барчасида зафар қучди.
Энди «Арсенал»ни кетма-кет яна иккита сафар учрашуви кутмоқда. Лондонликлар 15 сентябрь куни Лига кубогида «Ипсвич»га, 19 сентябрда эса Премьер-лигада «Брайтон»га қарши майдонга тушади.
