«Наполи» ярим ҳимоячиси Франк Замбо-Ангисса Неаполь клуби раҳбарияти билан янги меҳнат шартномасини имзолаш бўйича музокараларга киришди. Бу ҳақда инсайдер Экрем Конур ижтимоий тармоқларда хабар берди.
Манбага кўра, ярим ҳимоячи йиллик маошини 6 миллион еврогача оширишни талаб қилмоқда. Яқин ҳафталарда томонлар эҳтимолий битим тафсилотларини муҳокама қилади.
Жорий мавсумда Италия чемпионатида 30 ёшли камерунлик ярим ҳимоячи учта учрашувда майдонга тушиб, самарали ҳаракат амалга оширмади.
Томонлар ўртасидаги амалдаги меҳнат шартномаси 2027 йил июнь ойи охирида якунига етади. Футболчининг трансфер қиймати 15 миллион еврога баҳоланмоқда.
