«Манчестер Сити» ярим ҳимоячиси Айюб Буадди янги жамоасида кимлардан ўрнак олаётгани ҳақида гапирди.
Август ойида «шаҳарликлар» 18 ёшли марокашлик футболчини «Лилль»дан 95 миллион еврога сотиб олган эди.
«Мен барча жамоадошларимдан жуда кўп нарса ўрганишим мумкин. Дунёнинг энг яхши клубларидан бирида ўйнаяпман. Мен билан бирга ҳаракат қилаётган Эллиот Андерсон жуда яхши намуна кўрсатяпти.
Албатта, айниқса мен билан бир позицияда ўйнайдиган футболчиларни кузатаман: Эллиот, Ковачич, Энцо Фернандес ва бошқа ярим ҳимоячилар. Уларнинг барчаси ажойиб футболчилар ва катта тажрибага эга», — дея Буаддининг сўзларини City Xtra келтирди.
Бугун Энцо Мареска бошчилигидаги «Манчестер Сити» сафарда «Манчестер Юнайтед»га қарши майдонга тушади.
