Туриннинг «Ювентус» клубига тегишли бўлган марказий ҳужумчи Аркадиуш Милик фаолиятини Европадан ташқарида давом эттириши мумкин. Бу ҳақда инсайдер Николо Скира ижтимоий тармоқларда маълум қилди.
Манбага кўра, БАА клубларидан бири 32 ёшли поляк ҳужумчиси бўйича сўров юборган. Милик энди «Ювентус»нинг келгуси режаларига кирмайди ва туринликлар уни сотишга тайёр.
Аркадиуш Милик «Ювентус» сафига 2023 йил ёзида қўшилган. Футболчининг клуб билан амалдаги шартномаси 2027 йил июнь ойи охирига қадар мўлжалланган.
Ҳужумчининг трансфер қиймати айни пайтда 1,5 миллион евро атрофида баҳоланмоқда.
Ўтган мавсумда Милик Италия чемпионатида атиги иккита учрашувда майдонга тушган.
