«Барселона» 24 ёшли испаниялик ҳимоячи Жерар Мартин билан шартномани узайтириш устида ишламоқда. Бу ҳақда Mundo Deportivo нашри хабар берди.
Манба маълумотига кўра, клубдагилар футболчининг Ханс-Дитер Флик қўл остида кўрсатаётган ўсишидан мамнун ва уни жамоа сафида узоқ муддат сақлаб қолишни режалаштирмоқда.
Мартиннинг «Барселона» билан амалдаги шартномаси 2028 йил ёзига қадар мўлжалланган.
Айни пайтда томонлар яхшиланган шартларни ўз ичига олган янги узоқ муддатли келишувни муҳокама қилмоқда.
Қайд этилишича, ҳимоячининг амалдаги шартномасида товон пули миқдори 100 миллион евро этиб белгиланган.
