«Реал» бош мураббийи Жозе Моуриньо 19 ёшли кот-д’ивуарлик ҳужумчи Ян Диоманденинг ўйинига баҳо берди.

Футболчи ёзда «Лейпциг»дан бонусларни ҳисобга олганда 140 миллион евро эвазига мадридликлар сафига ўтган эди. У «Реал» таркибида ўтказган дастлабки 6 та учрашувида ҳали гол ёки голли узатма қайд этмади.

«У ривожланишда давом этади. У ҳали юқори даражада узоқ вақтдан бери ўйнаётган футболчи эмас ва тактик жиҳатдан ҳали кўп нарсани ўрганиши керак.

Аммо унда ақл бовар қилмас салоҳият бор: бирга-бир вазиятларда, узатмаларда, зарбаларда... У бизга жуда кўп вариантлар беради.

У Винининг — Винисиуснинг позициясида ҳам, ўнг қанотда ҳам ўйнай олади. У ерда Арда Гюлер ҳам ҳаракат қилиши мумкин. Шунингдек, Диоманде Беллингемнинг позициясида ҳам ўйнай олади.

Ҳозир мен унга ривожланишда ёрдам бермоқчиман», — деди Моуриньо.

Аввалроқ «Реал» ўз майдонида «Райо Вальекано»ни 4:1 ҳисобида мағлуб этганди. Диоманде ушбу учрашувни асосий таркибда бошлади ва 72 дақиқа майдонда ҳаракат қилди. Шундан сўнг унинг ўрнига Арда Гюлер майдонга тушди.