«Real» bosh murabbiyi Joze Mourinyo 19 yoshli kot-d’ivuarlik hujumchi Yan Diomandening o‘yiniga baho berdi.

Futbolchi yozda «Leypsig»dan bonuslarni hisobga olganda 140 million yevro evaziga madridliklar safiga o‘tgan edi. U «Real» tarkibida o‘tkazgan dastlabki 6 ta uchrashuvida hali gol yoki golli uzatma qayd etmadi.

«U rivojlanishda davom etadi. U hali yuqori darajada uzoq vaqtdan beri o‘ynayotgan futbolchi emas va taktik jihatdan hali ko‘p narsani o‘rganishi kerak.

Ammo unda aql bovar qilmas salohiyat bor: birga-bir vaziyatlarda, uzatmalarda, zarbalarda... U bizga juda ko‘p variantlar beradi.

U Vinining — Vinisiusning pozisiyasida ham, o‘ng qanotda ham o‘ynay oladi. U yerda Arda Gyuler ham harakat qilishi mumkin. Shuningdek, Diomande Bellingemning pozisiyasida ham o‘ynay oladi.

Hozir men unga rivojlanishda yordam bermoqchiman», — dedi Mourinyo.

Avvalroq «Real» o‘z maydonida «Rayo Valyekano»ni 4:1 hisobida mag‘lub etgandi. Diomande ushbu uchrashuvni asosiy tarkibda boshladi va 72 daqiqa maydonda harakat qildi. Shundan so‘ng uning o‘rniga Arda Gyuler maydonga tushdi.