27 сентябрь куни Тошкентда ўсмирлар ўртасидаги 2014 йилги Осиё чемпионати «В» саралаш гуруҳи 2-туридан ўрин олган Ўзбекистон (U-16) ҳамда Фаластин (U-16) ўсмирлари ўртасидаги учрашув бўлиб ўтади.

25 сентябрь куни Тошкентда Яман ҳамда Фаластин ўсмирлар терма жамоалари ўртасидаги учрашув билан 0Ч-2014 В саралаш гуруҳи ўйинларига старт берилди. «Жар» стадиони мезбонлик қилаётган саралашнинг илк ўйинида Яман U-16 ўсмирлар терма жамоаси Фаластин ўсмирларини 3:1 ҳисобида мағлуб этди.

Эслатиб ўтамиз, ушбу саралаш баҳсларида Темур Олимхўжаев бош мураббийлигидаги 1998 йилгача туғилган футболчилардан иборат Ўзбекистон U-16 ўсмирлар терма жамоаси иштирок этмоқда. Тошкентда бўлиб ўтаётган саралаш гуруҳи ғолиби келаси йили Таиландда бўлиб ўтадиган U-16 ўсмирлар ўртасидаги Осиё чемпионати финал босқичига йўлланмани қўлга киритади.

Олимхўжаев шогирдлари саралашнинг илк ўйинида 27 сентябрь куни Фаластин ўсмирлар терма жамоасига қарши тўп сурса, 29 сентябрь куни Яман ўсмирларига қарши ўйнайди. Ҳар иккала ўйин ҳам соат 16:00да бошланади.

U-16 ўсмирлар ўртасидаги ОЧ-2014 саралаши.
«В» Гуруҳи. Тошкент. «Жар» стадиони. 25-29 сентябр.

25 сентябрь.
Яман U-16 - Фаластин U-16 - 3:1

27 сентябрь.
Ўзбекистон U-16 - Фаластин U-16 (16:00)

29 сентябрь.
Ўзбекистон U-16 - Яман U-16 (16:00)