«Барселона» 27 ёшли француз ҳимоячиси Жюль Кунде бўйича тушган таклифларни кўриб чиқишга тайёр. Бу ҳақда El Nacional хабар берди.
Манбага кўра, каталонияликлар француз футболчиси учун тахминан 50 миллион евро олишни режалаштирмоқда. Бу Кунденинг 2022 йилда «Севилья»дан «Барселона»га ўтиши учун тўланган суммага мос келади.
Қайд этилишича, Кунде энди ўзига келиб тушаётган исталган трансфер таклифи бўйича эркин музокара олиб бориши мумкин. Аввалроқ футболчига «Челси» клуби қизиқиш билдираётгани ҳақида хабар берилган эди.
