«Barselona» 27 yoshli fransuz himoyachisi Jyul Kunde bo‘yicha tushgan takliflarni ko‘rib chiqishga tayyor. Bu haqda El Nacional xabar berdi.
Manbaga ko‘ra, kataloniyaliklar fransuz futbolchisi uchun taxminan 50 million yevro olishni rejalashtirmoqda. Bu Kundening 2022 yilda «Sevilya»dan «Barselona»ga o‘tishi uchun to‘langan summaga mos keladi.
Qayd etilishicha, Kunde endi o‘ziga kelib tushayotgan istalgan transfer taklifi bo‘yicha erkin muzokara olib borishi mumkin. Avvalroq futbolchiga «Chelsi» klubi qiziqish bildirayotgani haqida xabar berilgan edi.
