Паоло Мальдинининг ўғли Даниэль Мальдини шанба куни «Кальяри» сафида «Аталанта»га қарши ўйинда майдонга тушди. Мальдини гол уриб, жамоасига сафарда 2:1 ҳисобида ғалаба қозонишга ёрдам берди.
Учрашувдан кейин Даниэль Миланда кеча ўтказди. Шаҳарнинг шимолий қисмида икки автомобиль иштирокида ЙТҲ содир бўлди. 25 ёшли Мальдини ва яна беш киши енгил жароҳат олди. Жабрланганлар орасида 20 ва 22 ёшли икки қиз, шунингдек, 19, 20 ва 21 ёшли уч йигит бор.
Ҳодиса жойига тез ёрдам машиналари етиб келди. Бир кишига воқеа жойида тиббий ёрдам кўрсатилди, беш нафар жабрланувчи, жумладан Мальдини ҳам текширувдан ўтказиш учун шифохонага олиб кетилди.
ANSA хабар беришича, полиция ЙТҲнинг барча тафсилотларини аниқлашда давом этмоқда.
