«Комо»нинг собиқ ҳужумчиси, ҳозир «Леганес» сафида ўйнаётган Альваро Мората Франсеск Фабрегас юқори даражадаги клубни бошқаришга тайёр эканини айтди.

«Фабрегас билан кўп гаплашдик. Менинг вазиятимда клубда қолиш тўғри эмасдек туюлди. Ўтган мавсумни яхши бошлаган эдим, аммо жароҳат олдим. У жуда жиддий эди, фаолиятим давомида бундай жароҳатга ҳеч қачон дуч келмаганман.

У ажойиб мураббий. Фабрегас жаҳон футболидаги исталган топ-клубда ишлашга аллақачон тўлиқ тайёр, деб ўйлайман. Шунинг учун у «Комо»да хоҳлаганича қолиши мумкин.

Мен Фабрегасни жуда ақлли инсон деб биламан. У Конте, Моуринью ва Гвардиоладан кўп нарса ўрганди.

Менимча, у уларнинг ҳар биридан нимадир ўзлаштирган. Мен унга фақат узоқдан туриб омад тилашим ва мен учун қилган барча ишлари учун, аввалгидек, миннатдорчилик билдиришим мумкин», — деди Мората.