Англия терма жамоасининг собиқ футболчиси Энди Кэрролл Уэйн Руни миллий жамоадаги даврида ўзини қандай тутгани ҳақида гапирди.
Кэрроллнинг айтишича, Фабио Капелло Англия терма жамоасини бошқарган пайтларда Руни ўзига деярли барча нарсани раво кўрган.
"Мен уни каравотда ётган ҳолда телевизор томоша қилаётганида кўп кўрганман. У сигарета чекарди, баъзида пиво ичарди.
Унинг атрофида сигарета блоклари, пиво қутилари ва вино шишалари турарди. У меҳмонхона маъмуридан буларни хонасига олиб келишни сўрарди. Кўп ўтмай, хона бошқа футболчилар билан ҳам тўлиб кетарди", — деди Кэрролл.
Фабио Капелло Англия терма жамоасини 2007 йилдан 2012 йилгача бошқарган.
