"Манчестер Сити"нинг собиқ ҳужумчиси Марио Балотелли жамоанинг "Манчестер Юнайтед" устидан 1:0 ҳисобидаги ғалабасига муносабат билдирди.
"Шаҳарликлар" "Олд Траффорд"да уч очкони Эрлинг Холанднинг 60-дақиқада урган баҳсли голи эвазига қўлга киритди. Меҳмонлар 23-дақиқадан бошлаб Фил Фоден майдондан четлатилгани сабаб бир киши кам бўлиб ҳаракат қилди.
"Манчестер доим кўк бўлиб қолади", — деб ёзди Балотелли ижтимоий тармоқда.
У постга ўтган ўн йиллик бошларидаги Манчестер дербиларидан бирида Неманья Видич билан тушган суратини ҳам илова қилди.
Марио Балотелли "Манчестер Сити" сафида 2010 йил ёзидан 2013 йил январгача тўп тепган.
Айни пайтда 36 ёшли ҳужумчи БАА иккинчи дивизионида Дубайнинг "Ал-Иттифоқ" клуби шарафини ҳимоя қилмоқда.
