"Интер" ва Хорватия терма жамоасининг собиқ ярим ҳимоячиси Марсело Брозович расман Қатарнинг "Ас-Садд" клуби футболчисига айланди. Бу ҳақда клуб ижтимоий тармоқларда маълум қилди.
34 ёшли футболчи янги жамоасига эркин агент сифатида қўшилди. Унинг Саудия Арабистонининг "Ан-Наср" клуби билан шартномаси 30 июнь куни якунига етган эди.
Ёзги трансферлар ойнасида Брозовичга бир қатор клублар қизиқиш билдирди. Улар орасида Италиянинг "Ювентус", "Лацио" ва "Фиорентина" клублари, шунингдек, Саудия Арабистонининг "Ал-Иттиҳод" ҳамда Туркиянинг "Трабзонспор" жамоалари бор эди.
Бироқ хорватиялик футболчи фаолиятини Қатарда давом эттиришга қарор қилди.
Брозович фаолияти давомида "Хрватски Драговоляц", "Локомотива", Загребнинг "Динамо", "Интер" ва "Ан-Наср" клубларида тўп тепган.
Шунингдек, у Хорватия терма жамоаси сафида 99 та ўйин ўтказган.
