Миланнинг «Интер» ва Истанбулнинг «Галатасарой» клублари собиқ ҳужумчиси Мауро Икарди фаолиятини Греция чемпионатида давом эттириши мумкин. Бу ҳақда инсайдер Экрем Конур ижтимоий тармоқда хабар берди.

Манбага кўра, 33 ёшли аргентиналик футболчини «Олимпиакос» ўз сафига қўшиб олмоқчи. Греция клуби айни пайтда эркин агент мақомида бўлган Икардига таклиф юборган.

Мауро Икардининг сўнгги клуби «Галатасарой» бўлган. Ўтган мавсум Туркия чемпионатида ҳужумчи 31 та ўйинда майдонга тушиб, 14 та гол урди ва 1 та голли узатмани амалга оширди. Унинг голларидан бири пенальтидан киритилган.