«Манчестер Сити» ҳужумчиси Эрлинг Холанд «Манчестер Юнайтед» дарвозасига урган голи ҳақида фикр билдирди. Ушбу тўп АПЛ 4-туридан ўрин олган учрашувда ягона гол бўлди ва офсайд эҳтимоли сабаб баҳсларга ҳам сабаб бўлди.

«Менимча, кимдир тўп йўналишини бироз ўзгартиргандек бўлди, чунки одатда мен офсайд ҳолатида қолмайман. Шунинг учун Майкл Оливерга у мени офсайдда деб ўйлаганидан бироз хафа бўлганимни айтдим», — дея Холанднинг сўзларини Sky Sports келтирди.

«Мен мураббийга қарадим, у эса бош бармоғини кўтариб ишора қилди. Шунда гол ҳисобланганини тушундим ва нишонлашга тайёрландим. Ғалаба қозониш ҳар доим ёқимли, мен буни ҳеч қачон оддий ҳолдек қабул қилмайман. Айниқса, «Олд Траффорд»да ўн киши бўлиб ғалаба қозониш жуда ёқимли. Бу осон вазифа эмас».

«Манчестер Сити» 12 очко билан турнир жадвалида иккинчи ўринни эгаллаб турибди. Жамоа навбатдаги учрашувини 17 сентябрь куни Англия Лига кубоги доирасида «Норвич»га қарши ўтказади.