«Реал Сосьедад» дарвозабони Алекс Ремиро Ла Лиганинг 5-турида «Атлетико»дан 0:3 ҳисобида қабул қилинган мағлубиятдан сўнг фикр билдирди.

Шунингдек, голкипер 84-дақиқада мезбонлар ярим ҳимоячиси Жоб Очиенгнинг қўлига тўп теккани учун белгиланган пенальти қарорига қўшилмаслигини айтди.

«Менимча, бу пенальти эмасди. Ҳа, тўп қўлга тегди, аммо бундан олдин рикошет бўлган эди. Агар бизга бундай эпизодлар учун пенальти берилмаслиги тушунтирилган бўлса... Ўйин тезлигида ҳакамнинг пенальти белгилаши тушунарли, аммо кейин... Ростини айтсам, тушуниш қийин. Ҳакам бизга рикошет бўлганини, лекин қўл жуда юқори ҳолатда турганини айтди», — деди Ремиро.

Ўйин ҳақида:

«Ҳисоб майдонда рўй берган воқеаларни тўлиқ акс эттирмайди. Пенальтига қадар биз жуда яхши ўйнадик, ҳатто учрашувни назорат қилдик. Ҳужумда жуда яхши футболчиларимиз бор, мавсум эса энди бошланди. Агар шу йўналишда давом этсак, вазиятлар яратамиз ва ўйинларда ғалаба қозонамиз. Жамоа яхши ўйнаяпти, 80 дақиқа давомида ажойиб ўйин кўрсатдик. Шу руҳда давом этишимиз керак».

Асосий таркибга қайтиши ҳақида:

«Мен доимо тайёрман. Эътиборимни ҳақиқатан муҳим бўлган нарсага — кундалик меҳнат ва майдонга чиқишга тайёр туришга қаратганман. Қолган нарсалар мени умуман қизиқтирмайди», — деди Ремиро DAZN эфирида.